Home ताज्या घडामोडी आमदार देवेंद्र भुयार यांचा शेतकरी आंदोलनाला पाठिंबा: दिल्लीत धडकले

आमदार देवेंद्र भुयार यांचा शेतकरी आंदोलनाला पाठिंबा: दिल्लीत धडकले

दिल्ली

मागील १३ दिवसांपासून कृषी विधेयकांविरोधात पंजाब-हरियाणामधील शेतकरी दिल्लीच्या सीमेवर आंदोलन करत आहे. दिल्लीच्या सीमांवर शेतकरी ठिय्या मांडून बसले आहेत. आता या आंदोलनाला अमरावती जिल्ह्यातील मोर्शीचे आमदार देवेंद्र भुयार यांनी दिल्ली येथे धडक देऊन शेतकरी आंदोलनाला पाठिंबा दिला आहे.

    मोदी सरकारने केलेल्या कृषी सुधारणा कायद्याविरोधात गेल्या 2 महिन्यांपासून शेतकरी आंदोलन करत आहेत. मात्र, हे आंदोलन दिल्लीत येऊन धडकल्यानंतर मोदी सरकारला आता जाग आली आहे. संसदेतील बहुमताच्या जोरावर मोदी सरकारने हे तिन्ही कायदे मंजूर करुन घेतले. मात्र, रस्त्यावर उतरलेल्या शेतकऱ्यांसमोर आता मोदी सरकारला झुकावं लागनार असल्याचे आमदार देवेंद्र भुयार यांनी सांगितले.

      शेतकरी कायद्याच्या विरोधात देशातील शेतकरी  एकत्र आले आहेत. केंद्र सरकारने केलेल्या नवीन कृषी कायद्यांविरोधात शेतकऱ्यांनी दिल्लीत धडक दिल्यानंतर १३ दिवसाचा कालावधी होऊनही केंद्र सरकारकडून नवीन कृषी कायदे रद्द करण्यात आले नाही . 

             मोर्शी विधानसभा मतदार संघाचे आमदार देवेंद्र भुयार यांनी दिल्लीच्या टिकरी बॉर्डर, युपी बॉर्डर, आणि सिंघू बॉर्डरवर आंदोलन करणाऱ्या शेतकऱ्यांना भेटून आंदोलन मजबूत करण्यासाठी दिल्ली येथील शेतकरी नेते राकेश महेंद्रसिंह टिकेत यांच्यासोबत बैठक घेऊन पुढील रणनीती आखण्यासाठी महत्वपूर्ण चर्चा करून पुढील रणनीती ठरविण्यात आले.

          “केंद्रातील भाजप सरकार दिल्लीच्या सीमेवर सुरू असलेले शेतकरी आंदोलन बळाच्या जोरावर दडपून टाकण्याचा प्रयत्न करीत आहे . शेतकऱ्यांवर पाण्याचा मारा करून, अश्रूधूर सोडून, हायवेवर खड्डे खणून, शेतकरी नेत्यांना स्थानबद्ध करून आंदोलन दडपण्याचा प्रयत्न करत आहे. गेले 13 दिवस लाखो शेतकरी केंद्र सरकारच्या या दडपशाहीला न जुमानता दिल्लीच्या सीमेवर ठिय्या देऊन बसले आहेत. शेतकऱ्यांचे हे आंदोलन सर्व राज्यांमध्ये आणखी तीव्र करण्यात येईल.”

आमदार देवेंद्र भुयार

दिल्लीला घेरण्याचा इशारा !

आमदार देवेंद्र भुयार यांनी शेतकरी नेते राकेश महेंद्रसिंह टिकेत यांच्यासोबत महत्वपूर्ण बैठक घेऊन आंदोलन अधिक तीव्र करण्याचा निर्णय घेतला आहे. त्याचबरोबर भाजप नेत्यांना, त्यांचे निवासस्थान आणि कार्यालयांना घेराव घालून भाजपच्या नेत्यांवर बहिष्कार घालण्याचा इशाराही देण्यात आला आहे. आता आम्ही मागे हटणार नाही. महाराष्ट्रातून अनेक शेतकऱ्यांनी दिल्लीकडे कूच केले आहे. लवकरच ते दिल्लीला पोहोचतील. संपूर्ण दिल्लीला आम्ही घेराव घालू, असा इशाराही आमदार देवेंद्र भुयार यांनी दिला आहे.

- Advertisment -

Most Popular

कुपोषणाला हरवण्याचा निर्धार करा: ॲड. यशोमती ठाकूर

मुंबई,  कुपोषणावर मात करण्यासाठी ‘पोषण माह’मध्ये राबवण्यात येणारे उपक्रम आणि त्यासाठीचा सहभाग वाढवून देशामध्ये पहिला क्रमांक मिळवण्यासाठी प्रयत्न करा....

आता रुग्णालयाचे प्रशासन आगीच्या घटनांसाठी जबाबदार

मुंबई कोरोना काळात रुग्णालयांना आगी लागून अनेकांना प्राण गमवावे लागले. या घटनांची जबाबदारी यापुढे संबंधित  रुग्णालयाच्या संचालकांची राहणार आहे....

नागरी सुविधांची कामे गुणवत्तापूर्ण व दर्जेदार करावी बच्चू कडू यांचे निर्देश

अमरावती जिल्ह्याचा सर्वांगिण विकास हा ग्रामविकासातून होत असतो. त्यासाठी सार्वजनिक बांधकाम विभागांतर्गत येत असलेली रस्ते, पुल, शाळा, रुग्णालये...

डेंग्यूचा चाचणी अहवाल तात्काळ उपलब्ध करावा : ॲड. यशोमती ठाकूर

अमरावती डेंग्यूचे निदान तात्काळ होऊन रुग्णांवर वेळेवर उपचार होणे आवश्यक आहे. त्यासाठी डॉ. पंजाबराव देशमुख वैद्यकीय महाविद्यालयात डेंग्यू चाचणी...

Recent Comments