Home ताज्या घडामोडी धनेगाव येथील शेतकरी आत्महत्येची होणार चौकशी : ना.बच्चू कडू

धनेगाव येथील शेतकरी आत्महत्येची होणार चौकशी : ना.बच्चू कडू

अमरावती

जिल्ह्यातील अंजनगाव सुर्जी तालुक्यातील धनेगाव येथील आत्महत्याग्रस्त शेतकरी अशोक भुयार व त्यांचे बंधू मृतक संजय भुयार यांच्या कुटुंबाला आज तातडीने महाराष्ट्राचे राज्यमंत्री बच्चू कडू यांनी भेट देऊन सदर परिवाराचे सांत्वन करून या प्रकरणातील दोषी व्यक्तींवर कठोर कारवाई करण्याचे आमदार बच्चू कडू यांनी आश्वासन दिले.

अंजनगाव सुर्जी तालुक्यातील धनेगाव येथील आत्महत्याग्रस्त शेतकरी अशोक भुयार व मोठ्या भावाचा आत्महत्येचा जबर धक्का बसून हृदयविकाराने त्याच दिवशी लहान भावाचा झालेला मृत्यू या दोन्ही घटनांनी संपूर्ण जिल्ह्यात खळबळ उडाली होती. संत्रा व्यवहारात व्यापाराने केलेली फसवणूक आणि पोलिसांनी केलेली मारहाण यातून झालेल्या अपमानामुळे अशोक भुयार यांनी 22 डिसेंबर रोजी एका शेतात आत्महत्या केली होती. त्यांनी मृत्यूपूर्वी बच्चू कडू यांच्या नावाने चिठ्ठी लिहून ठेवली होती. सदर घटनेची गंभीर दखल घेत बच्चू कडू यांनी तातडीने गुरुवारी धनेगाव येथे सदर मृतक झालेल्या शेतकरी कुटुंबाला भेट देऊन संपूर्ण हकीकत जाणून घेतली.या लगंभीर प्रकरणाविषयी पत्रकारांशी बोलताना आमदार बच्चू कडू यांनी सांगितले की, या प्रकरणातील दोषी व्यक्तींवर कडक कारवाई करण्याचे आदेश दिले. त्याचप्रमाणे संत्रा व्यवहारांमध्ये व्यापार्‍यांनी केलेली शेतकऱ्यांची फसवणूक मारहाण या बद्दल संबंधित व्यापारी व पोलिसांविरुद्ध 420 चा गुन्हा दाखल करण्याचे आदेश दिले असून सदर कर्मचार्‍याला त्वरित निलंबित करण्याचे तसेच संबंधित ठाणेदार विरुद्ध कार्यवाही करण्याचे आदेश ना. बच्चू कडू यांनी वरिष्ठ अधिकाऱ्यांना दिले. ना. बच्चू कडू यांनी सदर कुटुंबीयांचे सांत्वन करून त्यांना आधार दिला. यावेळी मोठ्या संख्येने धनेगाव गावातील नागरिक उपस्थित होते. त्यानंतर आमदार बच्चू भाऊ कडू यांनी अंजनगाव सुर्जी तहसील कार्यालयात भेट देऊन त्याठिकाणी मृतक शेतकऱ्याला झालेल्या मारहाणीचे सीसीटीव्ही मधील फुटेज पाहिले.

याप्रकरणी उपस्थित पोलिस अधिकारी व तहसीलदारांना योग्य त्या सूचना ना. बच्चुभाऊ कडू यांनी दिल्यात. या प्रकरणांमध्ये अधिकाऱ्यांनी काही चालढकल केल्यास त्या अधिकाऱ्यांना मी सोडणार नाही अशी तंबी आमदार बच्चू कडू यांनी उपस्थित असलेल्या अधिकाऱ्यांना दिली.

- Advertisment -

Most Popular

कुपोषणाला हरवण्याचा निर्धार करा: ॲड. यशोमती ठाकूर

मुंबई,  कुपोषणावर मात करण्यासाठी ‘पोषण माह’मध्ये राबवण्यात येणारे उपक्रम आणि त्यासाठीचा सहभाग वाढवून देशामध्ये पहिला क्रमांक मिळवण्यासाठी प्रयत्न करा....

आता रुग्णालयाचे प्रशासन आगीच्या घटनांसाठी जबाबदार

मुंबई कोरोना काळात रुग्णालयांना आगी लागून अनेकांना प्राण गमवावे लागले. या घटनांची जबाबदारी यापुढे संबंधित  रुग्णालयाच्या संचालकांची राहणार आहे....

नागरी सुविधांची कामे गुणवत्तापूर्ण व दर्जेदार करावी बच्चू कडू यांचे निर्देश

अमरावती जिल्ह्याचा सर्वांगिण विकास हा ग्रामविकासातून होत असतो. त्यासाठी सार्वजनिक बांधकाम विभागांतर्गत येत असलेली रस्ते, पुल, शाळा, रुग्णालये...

डेंग्यूचा चाचणी अहवाल तात्काळ उपलब्ध करावा : ॲड. यशोमती ठाकूर

अमरावती डेंग्यूचे निदान तात्काळ होऊन रुग्णांवर वेळेवर उपचार होणे आवश्यक आहे. त्यासाठी डॉ. पंजाबराव देशमुख वैद्यकीय महाविद्यालयात डेंग्यू चाचणी...

Recent Comments