Home ताज्या घडामोडी सुधारित कृषी कायद्याबाबत मंगळवारी निर्णय

सुधारित कृषी कायद्याबाबत मंगळवारी निर्णय

नवी दिल्ली

केंद्र सरकारने आणलेल्या तीन नव्या सुधारित कृषी कायद्यांच्या संविधानिक वैधतेला आव्हान देणाऱ्या याचिकांवर सर्वोच्च न्यायालय मंगळवारी निर्णय देणार आहे. त्याआधी न्यायालयाने सोमवारी शेतकरी आंदोलनाशी संबंधित सर्व याचिकांवर सुनावणी घेतली. तसेच केंद्र सरकारला यावरुन फटकारताना या कायद्यांची अंमलबजावणी न करण्याचे निर्देश दिले.

सर्वोच्च न्यायालयाने फटकारताना म्हटलं की, “आम्हाला माहिती नाही की सरकार या कायद्यांवर कशा प्रकारे काम करत आहे. जर तुमच्यात समजुतदारपणा असेल तर या कायद्यांची अंमलबजावणी करु नका. आम्ही याच्या अंमलबजावणीला स्थगिती देत आहोत” मात्र, यानंतर शेतकरी आंदोलन थांबवतील का? असा सवालही यावेळी न्यायल्याने केंद्र सरकारला केला.

शेतकरी आंदोलनांवरील याचिकांवर सोमवारी सुप्रीम कोर्टाचे सरन्यायाधीश बोबडे यांच्या अध्यक्षतेखालील खंडपीठासमोर सुनावणी झाली. यावेळी कोर्टाने सरकारच्यावतीनं बाजू मांडणारे अॅटर्नी जनरल के. के. वेणुगोपाल यांना स्पष्टपणे सांगितलं की, आपण या कायद्यांवर स्थगिती आणणार की आम्हीच याला स्थगिती देऊ. या खंडपीठामध्ये न्या. एस. एस. बोपन्ना आणि न्या. व्ही. सुब्रमण्यम हे देखील सहभागी होते.
१५ जानेवारीला सरकार-शेतकऱ्यांमध्ये पुढील चर्चा
केंद्र सरकार आणि शेतकऱ्यांमध्ये १५ जानेवारी रोजी पुढील बैठक पार पडणार आहे. ७ जानेवारी रोजी झालेल्या आठव्या बैठकीतही कोणताही तोडगा निघाला नव्हता. केंद्र सरकारने कायदा रद्द करण्याला नकार दिला आहे. तर शेतकरी नेत्यांनी शेवटच्या श्वासापर्यंत लढा देऊ अशी भूमिका घेतली आहे.

- Advertisment -

Most Popular

कुपोषणाला हरवण्याचा निर्धार करा: ॲड. यशोमती ठाकूर

मुंबई,  कुपोषणावर मात करण्यासाठी ‘पोषण माह’मध्ये राबवण्यात येणारे उपक्रम आणि त्यासाठीचा सहभाग वाढवून देशामध्ये पहिला क्रमांक मिळवण्यासाठी प्रयत्न करा....

आता रुग्णालयाचे प्रशासन आगीच्या घटनांसाठी जबाबदार

मुंबई कोरोना काळात रुग्णालयांना आगी लागून अनेकांना प्राण गमवावे लागले. या घटनांची जबाबदारी यापुढे संबंधित  रुग्णालयाच्या संचालकांची राहणार आहे....

नागरी सुविधांची कामे गुणवत्तापूर्ण व दर्जेदार करावी बच्चू कडू यांचे निर्देश

अमरावती जिल्ह्याचा सर्वांगिण विकास हा ग्रामविकासातून होत असतो. त्यासाठी सार्वजनिक बांधकाम विभागांतर्गत येत असलेली रस्ते, पुल, शाळा, रुग्णालये...

डेंग्यूचा चाचणी अहवाल तात्काळ उपलब्ध करावा : ॲड. यशोमती ठाकूर

अमरावती डेंग्यूचे निदान तात्काळ होऊन रुग्णांवर वेळेवर उपचार होणे आवश्यक आहे. त्यासाठी डॉ. पंजाबराव देशमुख वैद्यकीय महाविद्यालयात डेंग्यू चाचणी...

Recent Comments