Home महाराष्ट्र तिस-या लाटेचा धोका रोखण्यासाठी खबरदारी बाळगणे आवश्यक: ॲड. यशोमती ठाकूर

तिस-या लाटेचा धोका रोखण्यासाठी खबरदारी बाळगणे आवश्यक: ॲड. यशोमती ठाकूर

अमरावती

कोविडबाधितांची संख्या रोडावली आहे. त्यामुळे जिल्ह्यात संचारबंदीत काही प्रमाणात शिथीलता आणली गेली आहे. मात्र साथ अजूनही संपलेली नाही, याचे भान प्रत्येकाने बाळगणे आवश्यक आहे. तिस-या लाटेचा धोका रोखण्यासाठी नागरिकांनी खबरदारी बाळगत दक्षता नियम पाळावेत, असे आवाहन राज्याच्या महिला व बालविकास मंत्री तथा जिल्ह्याच्या पालकमंत्री ॲड. यशोमती ठाकूर यांनी आज येथे केले.

जिल्ह्यात लागू संचारबंदीत दुकानांच्या वेळेत बदल करण्यात आले आहेत. तसा आदेश जिल्हाधिकारी श्री. नवाल यांनी आज जारी केला. या आदेशानुसार जीवनावश्यक व अत्यावश्यक सेवांसह बिगर जीवनावश्यक सेवा मर्यादित वेळेत सुरू ठेवण्यास परवानगी देण्यात आली आहे. जनजीवन पूर्वपदावर आणण्याचा हा प्रयत्न आहे. मात्र, पुन्हा रुग्ण वाढू नयेत यासाठी प्रत्येकाने दक्षता नियम कसोशीने पाळावे, असे आवाहन पालकमंत्री ॲड. ठाकूर यांनी केले. कोरोना साथीशी गत एका वर्षापासून सातत्याने लढाई सुरु आहे. या काळात पहिल्या लाटेत स्वतंत्र कोविड रूग्णालये, तालुक्याच्या ठिकाणी कोविड केअर सेंटर, विद्यापीठ व पीडीएमसीमध्ये चाचणी सुविधा याबरोबरच साथ नियंत्रणासाठी लॉकडाऊन आदी प्रतिबंधात्मक उपायही अवलंबण्यात आले. जिल्ह्यात गावोगाव संपर्क, समन्वय व आरोग्यशिक्षणासाठी चार सर्वेक्षणे घेण्यात आली. त्यानंतर लसीकरणाचाही कार्यक्रम हाती घेण्यात आला. दरम्यान, दुस-या लाटेमुळे पुन्हा संचारबंदी आणावी लागली. उपचार सुविधा, जनजागृती, निर्बंध आदींमुळे रुग्ण कमी होत गेले. या संकटकाळात कोविड योद्ध्यांच्या व नागरिकांच्या सहकार्यामुळे प्रत्येक अडचणीवर मात करण्यात आली. मात्र, अजूनही लढाई संपलेली नाही. त्यामुळे काही निर्बंध कायम व काही बाबी शिथील करून जनजीवन पूर्वपदावर आणण्याचा प्रयत्न होत आहे, असे पालकमंत्री श्रीमती ठाकूर यांनी सांगितले.

पालकमंत्री श्रीमती ठाकूर म्हणाल्या की, तिस-या लाटेचा धोका रोखण्यासाठी प्रशासनाच्या प्रयत्नांना नागरिकांची साथ मिळणे आवश्यक आहे. दुकाने मर्यादित वेळेत सुरु करण्यास परवानगी देताना नियम पाळले जावेत यासाठी दंडात्मक कारवाईचीही तरतूद करण्यात आली आहे. मात्र, दंडात्मक कारवाईची वेळच येऊ नये. कोरोनापासून आपले व इतरांचे, तसेच सार्वजनिक आरोग्याचे रक्षण करणे ही प्रत्येकाची जबाबदारी आहे. ती ओळखून सर्वांनी कोरोना नियंत्रणासाठी सहकार्य करावे, असे आवाहन त्यांनी केले.

आदेशानुसार, किराणा, भाजीपाला, बेकरी, चिकन, मासे आदी दुकाने सकाळी 7 ते दुपारी 2 या वेळेत सुरु ठेवण्यास परवानगी देण्यात आली आहे. त्याचप्रमाणे, बिगरजीवनावश्यक एकल दुकानेही (मॉलमधील नव्हे) शनिवार व रविवार वगळता सकाळी 7 ते 2 या वेळेत सुरू राहतील. उपाहारगृहांनाही सकाळी 11 ते 7 या वेळेत घरपोच सेवेची परवानगी देण्यात आली आहे. रास्त भाव दुकानेही सकाळी 7 ते 3 सुरू राहतील. नागरिकांना दुपारी 3 नंतर वैद्यकीय कारण व इतर आवश्यक कारणांशिवाय बाहेर पडण्यास मनाई आहे. कृषी बाजार समित्या व त्यांचे बाजार सुरु राहतील, तसेच कृषी सेवा केंद्रे सकाळी 7 ते दुपारी 3 सुरु राहतील. अत्यावश्यक सेवा वगळता इतर कार्यालयांना 25 टक्के कर्मचारी उपस्थितीसह काम करता येईल. बँका, पतसंस्था, पोस्ट ऑफिस त्यांच्या वेळेत सुरु राहील. दवाखाने व औषधालये पूर्णवेळ सुरु राहतील.

सीमावर्ती ठिकाणी नाकेबंदी करून कोविड निगेटिव्ह रिपोर्ट नसलेल्या वाहनधारकांना प्रवेश नाकारण्याचे आदेश पोलीसांना देण्यात आले आहेत. आपत्कालीन व वैद्यकीय कारणांसाठी वाहनांना परवानगी आहे. मालवाहतूक पूर्णवेळ सुरु राहील.

सर्व प्रकारच्या व्यापारी संघटना, नागरिक यांनी जास्तीत जास्त घरपोच सुविधेचा वापर करण्याचे आवाहन करण्यात आले आहे. *दंडाची तरतूद*

सार्वजनिक स्थळी चेह-यावर मास्क न लावल्यास 750 रुपये दंड, दुकानांत सोशल डिस्टन्स न पाळल्यास दुकानदारांना 35 हजार दंड व मंगल कार्यालयात लग्नसमारंभ आयोजित केल्यास 50 हजार रुपये दंडाची तरतूद आहे. साथ नियंत्रणाबाबत दर शनिवारी आढावा घेऊन आवश्यक तिथे निर्बंध लागू किंवा कमी करण्याबाबत निर्णय घेण्यात येणार आहे. 000

- Advertisment -

Most Popular

अमरावती जिल्ह्यात ओला दुष्काळ जाहीर करा सर्व शेतकऱ्यांना सरसकट 25000 रु. मदत जाहीर करा : खासदार नवनीत राणा

अमरावतीजिल्ह्यातील तिवसा मतदार संघात येणाऱ्या पूरग्रस्त गावांची खासदार नवनीत राणा यांनी सोमवारी पाहणी केली. पुरामुळे झालेल्या नुकसान आढावा घेतल्यावर खासदार नवनीत राणा...

बालगृहातील मुलांच्या उच्च शिक्षणासाठी प्रयत्नशील: ॲड. यशोमती ठाकूर

अनंत यातनांवर मात करीत त्यांनी घेतली भरारी….त्यांच्या पंखात शिक्षणाचे बळ भरणार… मुंबई, बालवयातच अत्याचारांना सामोरी गेलेल्या आणि मानसिकरित्या संपूर्ण खचलेल्या...

शेतकऱ्यांच्या तक्रारींची दखल न घेणाऱ्या विमा कंपनीवर गुन्हा दाखल करा : कृषी मंत्री दादाजी भुसे यांचे निर्देश

अमरावतीपीक विमा मिळण्यासाठी नुकसानग्रस्त शेतकऱ्यांनी अर्ज करूनही विमा कंपनीकडून त्यावर कार्यवाही न झाल्याच्यातक्रारीची तातडीने दखल घेऊन कृषी मंत्री दादाजी भुसे यांनी थेट...

संभ्रमित पालक

कोरोणाची दुसरी लाट ओसरत असताना आणि तिसऱ्या लाटे बाबत शाशंक आणि भितित असताना हळू हळू आपला जीवनक्रम सुरळीत आणण्याचा प्रयत्न सुरू आहे….म्हणजे...

Recent Comments