Home विदर्भ समर्थ विद्यालयात ५ वी प्रवेशअर्ज वितरण सुरू

समर्थ विद्यालयात ५ वी प्रवेशअर्ज वितरण सुरू


अमरावती
स्थानिक शिक्षण क्षेत्रात नामवंत असलेल्या श्री समर्थ माध्यमिक व उच्च माध्यमिक विद्यालयातील पाचव्या वर्गाच्या प्रवेशअर्जांचे वितरण आजपासून सुरू झाले आहे .
३१ मेपर्यंत लाॅकडाऊनचे निमित्य करून चौथी इयत्ता उत्तीर्ण झालेल्या विद्यार्थ्यांच्या गुणपत्रिका व टीसींचे वितरण बऱ्याच प्राथमिक शाळांनी थांबऊन ठेवल्याने ५ वा वर्ग प्रवेशोत्सुक विद्यार्थ्यांचे प्रवेश रखडले होते.गेल्या दोनतीन दिवसात काही प्राथमिक शाळांनी चौथी इयत्ता उत्तीर्णच्या गुणपत्रिका व टीसीचे वितरण सुरू केल्याने श्री समर्थ विद्यालयाने पाचवा वर्ग प्रवेशाचे अर्ज आजपासून खुले केले.
शाळा सुत्रांनी दिलेल्या माहितीनुसार समर्थ विद्यालयात ५ वी च्या एकूण २६० जागा असून त्यातील २३५ जागा जाती व संवर्गनिहाय आरक्षणासह भरल्या जातात तर २५ जागा वयवस्थापन कोट्यातून भरल्या जातात. प्रवेश प्रक्रियेतील टप्प्यांनुसार दि. १५ जूनपर्यंत अर्ज वितरण व अर्ज स्विकारण शाळेमध्ये सकाळी ११ ते २ या कालावधीदरम्यान सुरू राहील.
१५ तारखेनंतर आवश्यकतेनुसार प्रवेशाच्या जाती व संवर्गनिहाय लाॅटरी सोडती काढल्या जातील.
प्रवेशअर्ज शाळेत सादर करतेवेळी प्रवेशअर्जाला प्रवेशोत्सुक विद्यार्थ्याची चौथ्या इयत्तेची गुणपत्रिका ,टीसी, आधारकार्ड तसेच जात- संवर्ग आरक्षण हवे असल्यास विद्यार्थी किंवा पालकाचे जात प्रमाणपत्र या चार महत्वाच्या कागदपत्रांच्या सत्यप्रती जोडाव्या लागतील. प्रवेश सोडतीचा कार्यक्रम १० जूनच्या सुमारास जाहीर केला जाईल असे समर्थ विद्यालयाच्या सुत्रांनी सांगितले. सिबलिंग प्रवेशाच्या नियमानुसार समर्थ विद्यालयात शिकत असलेल्या विद्यार्थ्यांच्या भावंडांना ५ व्या वर्गात थेट प्रवेश देण्यात येतो , या नियमांतर्गच्या सिंबलिंग प्रवेशांची सुरूवात शाळेने केली आहे.
पालकांनी प्रवेशअर्जांसाठी शाळेत येतांना कोविड प्रतिबंधक नियमांचे कटाक्षाने पालन करावे असे आवाहन शाळेतर्फे करण्यात आले आहे. मास्कशिवाय शाळेत प्रवेश मिळणार नाही असेही कळविण्यात आले आहे.

- Advertisment -

Most Popular

कुपोषणाला हरवण्याचा निर्धार करा: ॲड. यशोमती ठाकूर

मुंबई,  कुपोषणावर मात करण्यासाठी ‘पोषण माह’मध्ये राबवण्यात येणारे उपक्रम आणि त्यासाठीचा सहभाग वाढवून देशामध्ये पहिला क्रमांक मिळवण्यासाठी प्रयत्न करा....

आता रुग्णालयाचे प्रशासन आगीच्या घटनांसाठी जबाबदार

मुंबई कोरोना काळात रुग्णालयांना आगी लागून अनेकांना प्राण गमवावे लागले. या घटनांची जबाबदारी यापुढे संबंधित  रुग्णालयाच्या संचालकांची राहणार आहे....

नागरी सुविधांची कामे गुणवत्तापूर्ण व दर्जेदार करावी बच्चू कडू यांचे निर्देश

अमरावती जिल्ह्याचा सर्वांगिण विकास हा ग्रामविकासातून होत असतो. त्यासाठी सार्वजनिक बांधकाम विभागांतर्गत येत असलेली रस्ते, पुल, शाळा, रुग्णालये...

डेंग्यूचा चाचणी अहवाल तात्काळ उपलब्ध करावा : ॲड. यशोमती ठाकूर

अमरावती डेंग्यूचे निदान तात्काळ होऊन रुग्णांवर वेळेवर उपचार होणे आवश्यक आहे. त्यासाठी डॉ. पंजाबराव देशमुख वैद्यकीय महाविद्यालयात डेंग्यू चाचणी...

Recent Comments