Home ताज्या घडामोडी वझ्झर आश्रमातील मुलांचे कोविड लसीकरण

वझ्झर आश्रमातील मुलांचे कोविड लसीकरण

जिल्हाधिकारी यांच्याकडून आस्थेने विचारपूस

अमरावती

अचलपूर तालुक्यातील वझ्झर येथील स्व. अंबादासपंत वैद्य मतिमंद, मूकबधीर, बेवारस बालगृहातील पंधरा मतिमंद मुलांचे आज जिल्हा सामान्य रुग्णालयाच्या आयसोलेशन लसीकरण सेंटर येथे कोविड प्रतिबंधक लसीकरण करण्यात आले. जिल्हाधिकारी शैलेश नवाल यावेळी उपस्थित होते. यावेळी जिल्हाधिकारी श्री. नवाल यांच्या हस्ते वझ्झर आश्रमातील मुलांना टी शर्ट व पादत्राणांचे वितरण करण्यात आले. जिल्हाधिकाऱ्यांनी सर्वांची आस्थेने विचारपूस केली. तुम्हाला कुठल्याही गोष्टीची अडचण भासल्यास मला सांगावे, जिल्हा प्रशासनाव्दारे तुम्हाला आवश्यक मदत पुरवली जाईल, असे आश्वासन श्री. नवाल यांनी यावेळी दिले. वझ्झर येथील आश्रमात 123 मुले आहेत. त्यातील बहुतेकांचे लसीकरण यापूर्वीच झाले. 15 मुलांना मिरगीचा आजार असल्याने तज्ज्ञांच्या निगराणीतच लसीकरण करणे आवश्यक होते. त्यामुळे आज अमरावतीत येऊन इर्विनच्या सेंटरमध्ये लसीकरण करण्यात आले. या सर्व मुलांना लसीकरणानंतर सहा तास निगराणीत ठेवण्यात आले. सर्वांची प्रकृती चांगली आहे. जिल्हाधिकारी श्री. नवाल व सीएस डॉ. निकम यांनी आस्थापूर्वक सहकार्य केले. मुलांना भोजनासह कपडे, पादत्राणे देण्यात आली, असे आश्रमाचे शंकरबाबा पापळकर यांनी सांगितले. यावेळी जिल्हा शल्य चिकित्सक डॉ. श्यामसुंदर निकम यांच्यासह लसीकरण केंद्राचे व एनसीडी सेंटरचे अधिकारी डॉ. प्रीती मोरे, डॉ. तृप्ती जवादे, डॉ. रामदास देवघरे, डॉ. मंगेश गुजर, मानसोपचार तज्ज्ञ प्रमोद भापके, परिचारिका सुषमा मोहिते, कविता देशमुख, पल्लवी पेठे, आहारतज्ज्ञ स्वाती गोफणे, साधना गिरी आदी उपस्थित होते.

0000

- Advertisment -

Most Popular

अमरावती जिल्ह्यात ओला दुष्काळ जाहीर करा सर्व शेतकऱ्यांना सरसकट 25000 रु. मदत जाहीर करा : खासदार नवनीत राणा

अमरावतीजिल्ह्यातील तिवसा मतदार संघात येणाऱ्या पूरग्रस्त गावांची खासदार नवनीत राणा यांनी सोमवारी पाहणी केली. पुरामुळे झालेल्या नुकसान आढावा घेतल्यावर खासदार नवनीत राणा...

बालगृहातील मुलांच्या उच्च शिक्षणासाठी प्रयत्नशील: ॲड. यशोमती ठाकूर

अनंत यातनांवर मात करीत त्यांनी घेतली भरारी….त्यांच्या पंखात शिक्षणाचे बळ भरणार… मुंबई, बालवयातच अत्याचारांना सामोरी गेलेल्या आणि मानसिकरित्या संपूर्ण खचलेल्या...

शेतकऱ्यांच्या तक्रारींची दखल न घेणाऱ्या विमा कंपनीवर गुन्हा दाखल करा : कृषी मंत्री दादाजी भुसे यांचे निर्देश

अमरावतीपीक विमा मिळण्यासाठी नुकसानग्रस्त शेतकऱ्यांनी अर्ज करूनही विमा कंपनीकडून त्यावर कार्यवाही न झाल्याच्यातक्रारीची तातडीने दखल घेऊन कृषी मंत्री दादाजी भुसे यांनी थेट...

संभ्रमित पालक

कोरोणाची दुसरी लाट ओसरत असताना आणि तिसऱ्या लाटे बाबत शाशंक आणि भितित असताना हळू हळू आपला जीवनक्रम सुरळीत आणण्याचा प्रयत्न सुरू आहे….म्हणजे...

Recent Comments