Home ताज्या घडामोडी बाल लैंगिक अत्याचाराच्या घटना रोखण्यासाठी सजगता आवश्यक : पोलीस अधिक्षक हरी बालाजी

बाल लैंगिक अत्याचाराच्या घटना रोखण्यासाठी सजगता आवश्यक : पोलीस अधिक्षक हरी बालाजी

■ पालकांनी घ्यावयाची काळजी
● विश्वास नसलेले ठिकाण किंवा व्यक्तीबरोबर तुमच्या मुलाला एकटे सोडू नका
● बालकांशी संवाद ठेवा. त्यांच्या
वागण्या-बोलण्यात बदल जाणवला तर त्यांच्याशी लगेच बोला. त्यांचे म्हणणे शांतपणे ऐकून घ्या.
● त्यांच्याबरोबर हिंसा किंवा लैंगिक शोषण झाल्यास त्यात त्यांची काहीही चूक नाही, हे बालकांना सांगा.
● योग्य व अयोग्य स्पर्शाबाबत मुलांना मातेने माहिती द्यावी.

अमरावती

बाल लैंगिक अत्याचाराच्या घटना रोखण्यासाठी बालकांना योग्य व अयोग्य स्पर्शाची माहिती देणे, पालक व शिक्षक यांनी सजग राहून बालकांशी सुसंवाद ठेवणे आवश्यक असल्याचे पोलीस अधिक्षक हरी बालाजी यांनी सांगितले.

याबाबत जारी केलेल्या व्हीडिओ संदेशात श्री. बालाजी म्हणतात की, आपल्या अवतीभवती समाजात लैंगिक अत्याचाराच्या घटना दिवसेंदिवस वाढत असून ही गंभीर समस्या आहे. सार्वजनिक ठिकाणीच नव्हे तर अनेकदा परिचितांकडूनही अत्याचार घडतात. त्यात अल्पवयीनांवर बलात्कार, शरीराला घाणेरडा स्पर्श करणे किंवा अवयवाचा भाग नग्न करणे, तसे करण्यास भाग पाडणे, अश्लील व्हीडिओ दाखवणे किंवा तयार करणे असे प्रकार घडतात. मुलांना अशा बाबींपासून सुरक्षित ठेवण्यासाठी त्यांच्यात जाणीवजागृती करणे आवश्यक असते. मुले एकलकोंडी होता कामा नयेत. त्यांचे मानसिक भावविश्व जपण्यासाठी त्यांच्याशी सुसंवाद ठेवला पाहिजे.
एखादी व्यक्ती घाणेरडे वर्तन करत असेल तर त्याला वेळीच विरोध करण्याचा आत्मविश्वास बालकांमध्ये जागविला पाहिजे. अशा घटना झाल्यास किंवा तसे आढळल्यास पोलिसांना १०० किंवा चाईल्ड हेल्पलाईन १०९८ वर संपर्क साधण्याचे आवाहन जिल्हा पोलीस अधिक्षकांनी केले.

- Advertisment -

Most Popular

कुपोषणाला हरवण्याचा निर्धार करा: ॲड. यशोमती ठाकूर

मुंबई,  कुपोषणावर मात करण्यासाठी ‘पोषण माह’मध्ये राबवण्यात येणारे उपक्रम आणि त्यासाठीचा सहभाग वाढवून देशामध्ये पहिला क्रमांक मिळवण्यासाठी प्रयत्न करा....

आता रुग्णालयाचे प्रशासन आगीच्या घटनांसाठी जबाबदार

मुंबई कोरोना काळात रुग्णालयांना आगी लागून अनेकांना प्राण गमवावे लागले. या घटनांची जबाबदारी यापुढे संबंधित  रुग्णालयाच्या संचालकांची राहणार आहे....

नागरी सुविधांची कामे गुणवत्तापूर्ण व दर्जेदार करावी बच्चू कडू यांचे निर्देश

अमरावती जिल्ह्याचा सर्वांगिण विकास हा ग्रामविकासातून होत असतो. त्यासाठी सार्वजनिक बांधकाम विभागांतर्गत येत असलेली रस्ते, पुल, शाळा, रुग्णालये...

डेंग्यूचा चाचणी अहवाल तात्काळ उपलब्ध करावा : ॲड. यशोमती ठाकूर

अमरावती डेंग्यूचे निदान तात्काळ होऊन रुग्णांवर वेळेवर उपचार होणे आवश्यक आहे. त्यासाठी डॉ. पंजाबराव देशमुख वैद्यकीय महाविद्यालयात डेंग्यू चाचणी...

Recent Comments