Home ताज्या घडामोडी व्यवसाय पाणीपुरीचा... 'क्लिक' मात्र कायम

व्यवसाय पाणीपुरीचा… ‘क्लिक’ मात्र कायम

कोरोनाने अनेकांच्या आतुष्यात होत्याचे नव्हते केले. तर अनेकांच्या आयुष्याची वाट पार बादलुनही टाकली. अशाच एका वाटेवरून दुसऱ्या वाटेकडे वळलेल्या शेखरची कहाणी तर हटकेच. होय शेखर जोशी हा युवक खांद्यावर कॅमेऱ्याची बॅग लटकवून सकाळ पासून रात्रीपर्यंत समोर जे दिसतं आहे ते सौंदर्य, दाहकता, नृत्य, अपघात, निसर्गातील कलाकृती, चालू घडामोडी डोळ्याजमोर जे जे काही दिसत ते आपल्यात कॅमेऱ्यात टिपण्यासाठी ते सगळं क्लिक करणारा हा युवक वृत्तपत्रात फोटोग्राफर म्हणून अमरावती शहर आणि जिल्ह्यात नामवंतच. आता लॉकडाऊनच्या काळात अमरावती शहराचा अतिशय बोलका शुकशुकाट शेखरने कॅमेऱ्यातून टिपला.अमरावती शहरातील अनेक वृत्तपत्रांनी शेखरच्या कॅमेऱ्यातून टिपलेली शांत , चिडीचूप अमरावतीच्या अप्रतिम चेहऱ्याला पूर्ण पानभर प्रसिद्धी दिली. ज्या वृत्तपत्रासाठी तो काम करायचा त्या वृत्तपत्राने आता आम्हाला फोटोग्राफर नको हे स्पष्ट सांगितले. अनेक पत्रकारांना नारळ मिळालं त्यात फोटोग्राफर असणाऱ्या शेखरचाही नंबर लागला. मात्र खचून न जाता बंद शहर, चालू घडामोडी कॅमेरात टिपणे सुरूच होते. खरं तर आता पैसे मिळत नव्हते. पोट भरत नव्हते. नांदुभाऊ जोशी हे शेखरच्या वडिलांचे अमरावती शहरातील रुख्मिणी नगर चौक येथील पाणीपुरीच्या व्यवसायातील फेमस नाव. लॉकडाऊमुळे त्यांची गाडी बंद असली तरी त्यांच्या पाणीपुरीचे शौकीन त्यांना घरपोच पाणीपुरी पोचविण्याची डिमांड करायला लागले. आता प्रेस फोटोग्राफर असणाऱ्या शेखरकडे वडिलांनी तयार केलेली पाणीपुरी आणि भेळ घरपोच पोचविण्याचे जबाबदारी आली. केवळ जबाबदारी नाही तर शेखरला वडिलांचा व्यवसाय आणखी जवळून पाहता आला. आपण काढलेल्या फोटोचे जितके लोक दिवाने आहेत त्यापेक्षा नांदुभाऊंनी गुपचूप साठी बनविलेल्या पाण्याच्या शौकिनांची सांख्य तर कैकपटीने मोठी असल्याचे शेखरच्या लक्षात यायला लागले. मग काय तुटपुंजे पैसे मिळणाऱ्या प्रेसफोटोग्राफरपेक्षा चटोऱ्या लोकांना भरपेट खाऊ घालून आपापले पोटही समाधानाने भरता येतं, हे ओळखुन पाणीपुरी व्यवस्यात शेखर उतरलाच.

कंवरनगर चौक लगत अंबिका नगर येथील गणपती मंदिराजवळ घरलागतच पाणीपुरीच्या व्यवसायचा श्रीगणेशा झाला. वडील नांदुभाऊ जोशी, आई वीणा जोशी, भाऊ भूषण, वहिनी राधिका यांची साथ मिळाली. फोटोग्राफीसाठी सतत बाहेर असणारा काका आता घराजवळच दिसतो याचा पुतण्या मीहितच्या डोळ्यातील आनंद शेखरला उर्मी देणारा ठरला..व्यवसाय सूरु झाला. आठ – पंधरा दिवसातच शेखरने पाणीपुरीसाठी हायजीन मशिन गुजरातमधून बनवून आणली. आता स्टीलच्या कोठीत असणाऱ्या गोड-तिखट पाण्यात हाताने पुरी बुडवून ग्राहकांच्या प्लेटमध्ये देण्याऐवजी ग्राहकांसमोर प्लेटमध्ये गुपचूप ठेवले जातात. ग्राहक आता या लगुपचूपमध्ये मशीनद्वारे गोड-तिखट हवे ते पाणी भरून पाणीपुरीचा आस्वाद घेत आहेत. पाणीपुरीसाठी ही अशी हायजेनिक मशीन आणणारा शेखर हा अमरावती शहरात पहिला व्यवसायिक ठरला आहे. आजपर्यंत कॅमेरावरचे क्लिक बटन दाबून रोजीरोटी शोधणारा शेखर छान टपोऱ्या गुपचुपवर क्लिक करून त्यात चणे, बटाटे भरून ग्राहकांना चवदार पाणी पाजतो आहे. आयुष्याच्या वळणावरील या नव्या क्लिकने स्वतःच्या आयुष्याचा एक नवा अलबम सजतो आहे.

- Advertisment -

Most Popular

कुपोषणाला हरवण्याचा निर्धार करा: ॲड. यशोमती ठाकूर

मुंबई,  कुपोषणावर मात करण्यासाठी ‘पोषण माह’मध्ये राबवण्यात येणारे उपक्रम आणि त्यासाठीचा सहभाग वाढवून देशामध्ये पहिला क्रमांक मिळवण्यासाठी प्रयत्न करा....

आता रुग्णालयाचे प्रशासन आगीच्या घटनांसाठी जबाबदार

मुंबई कोरोना काळात रुग्णालयांना आगी लागून अनेकांना प्राण गमवावे लागले. या घटनांची जबाबदारी यापुढे संबंधित  रुग्णालयाच्या संचालकांची राहणार आहे....

नागरी सुविधांची कामे गुणवत्तापूर्ण व दर्जेदार करावी बच्चू कडू यांचे निर्देश

अमरावती जिल्ह्याचा सर्वांगिण विकास हा ग्रामविकासातून होत असतो. त्यासाठी सार्वजनिक बांधकाम विभागांतर्गत येत असलेली रस्ते, पुल, शाळा, रुग्णालये...

डेंग्यूचा चाचणी अहवाल तात्काळ उपलब्ध करावा : ॲड. यशोमती ठाकूर

अमरावती डेंग्यूचे निदान तात्काळ होऊन रुग्णांवर वेळेवर उपचार होणे आवश्यक आहे. त्यासाठी डॉ. पंजाबराव देशमुख वैद्यकीय महाविद्यालयात डेंग्यू चाचणी...

Recent Comments